Thursday, April 24, 2008

حفلة تخرج دفعة إعلام ( صحافة) 2007


دفعة إعلام 2007 وبالذات قسم صحافة ، ناس حبتهم وعرفتهم وعشت معهم أربع سنين من عمري ، يوم 23/4/2007كان يوم تخرجنا ، كنت فرحانة جدا لأني قابلتهم وسلمت عليهم ، وبصرف النظر عن مساؤي الحفلة من عدم تنظيم كالعادة وعدم الاهتمام بنا كالعادة برده، والحر الذي لا تشتد ذروته إلا يومها كعلامة مؤكدة على نحس الدفعة ، وده موضوع كبير هيكون له قصة مختلفة
أحلى ما في الحفلة كانوا أصحابي ، بجد اشتقت إليهم وكان نفسي اشوفهم جدا ، في منهم بكن له معزة خاصة ، صادفت الظروف أني اشتغل مع بعضهم أو حتى اعرفهم عن قرب ، عرفت من ناس كتير منهم يعنى ايه صداقة وزمالة ، وأتمنى بجد من كل قلبي أننا نفضل أصدقاء العمر كله ونفضل نفتكر بعض بالخير
كنت فرحانة جدا وأنا وسطهم ولبسين روب وقبعة التخرج وبنتصور ، كنت حاسة أننا بجد ممكن نصلح الحال ونكون بجد ناس مختلفة ، لكن الأمر الذي أبكني بجد ، لما طلبوا منا نقول قسم الإعلاميين ، كنا أول طلاب نقف عشان نقول القسم ، قلته بكل دقة في قلبي ، وطلبت من ربنا أنه يقدرنا ونكون عند قسمنا ، هزني في القسم كلمة أستاذ محمد منصور أستاذ الصحافة عندنا وهو بيقول لنا في القسم " وأنا اراعي مصلحة الوطن " مصر: وكرر كلمة مصر كتير لدرجة أني قلبي كان بيتحرك كل ما بيقولها ، صحيح أنا زعلت وتضايقت منه جدا لأنه نافق وغير مبدأه عندما مدح صفوت الشريف ومش عارفة ايه اللى جابه الحفلة أساسا .. بس عموما أنا قلت القسم لأني كنت عايز أقوله ولأني مؤمنة بمسؤلية مهنتى أمام الله حتى لو مش كان في قسم
عشان مش اطول عليكم : من زمان من يوم تقييم المشروعات وأن كان نفسي اهدى أصحاب لي من الدفعة كلمات لا تفي بالطبع قدرهم ولكنني بجد أريد أن اعبرلهم عن مدى معزتي وحبي

8 comments:

سوووكا said...

انا مشيت اصلا قبل ما يقولوا القسم

بخصوص النحس انا حصلي الآتي

1- موبايلي اتسرق قبل الحفلة بيوم
2- الجزمة اتقطعت وانا بلبسها
3-عيني ورمت جامد يوم الحفلة وقعدت اعملها في كمادات
4- ما عرفتش اجيب الزعبوط
5- وصلت متاخر
6- الميك اب باظ بسبب ورمان عيني ؛ ومعرفش اسوديت ليه كاني مثلا لسه جاية من على البلاج
7- اسمي اتنده بسرعة ناس كتيير من اصحابي ماسمعهوش اصلا
اخييييييييييرا استلمت شهادة سالي محمود غندور





ابووووووووووووس ايديكوا كفاية نحس انا تعبت كده ؛ خلاااااااااااااااص

بس برغم كل شيء انا بحب الدفعة ديه اوي

حزيــــــــــــــــــن said...

الف مبروووك

سندباد said...

الي الامام وبالتوفيق دائما لكي تحياتي

Amr said...

ربنا يكرمك يا علا
وبجد معتز اوي بمعرفتك

Anonymous said...

علا
الحمد لله انك لسه عايشة :)))
مبسوطة اني شفتك يا استاذة يوم الحفلة واطمنت عليكي لانك يقالك فترة مختفية حتي تليفون البيت ما بتكونيش موجودة
كنت مبسوطة اوووووووووووي بالنسج بتاعتك بالليل لما روحنا بس ما قدرتش ارد عليها لاني كنت تعبانة وباموووووووووووووت بس بجد اتبسطت
اني احبك في الله يا علا
علياء ماضي

هناء صابر said...

مبرووووك يا علا ...ربنا يوفقك على طول فى الحاجات الكتيييييييييييير اللى بتعمليها ...
يار ب تكونى فاكرة جريدتنا ..يارب
تحياتى لك

Anonymous said...

أنا كمان كنت مبسوطة إن شفت الناس كلها مع إن فى ناس ما لحقتش أسلم عليها من الزحمة
ربنا يكرمك يا علا ويوفقك إن شاء الله علشان أنت إنسانة جميلة ومجتهدة
وربنا يجمعنا دايما على خير ويديم علينا نعمة الصداقة

أما بخصوص نحس الدفعة فحدس ولا حرج
ما تنسيش يا علا تقولى إن احنا أول وأخر دفعة تمتحن امتحان قدرات
وأول دفعة يطبق عليها نظام الساعات المعتمدة
وأول دفعة صحافة ما تتدرس تحرير وإخراج صحفى ـ سبحان الله له فى ذلك حكم ـ تقريبا كانوا معتمدين على موهبتنا الصحفية الفطرية، ودرسولنا رسم وموسيقى على أساس ينمو بقية مواهبنا
واحنا الدفعة اللى اتعملت حفلة تخرجها فى اخر أبريل مع إنها بتتعمل كل سنة فى نص مارس
واحنا الدفعة اللى اتلغت على أيامنا صوت الجامعة ولم تعاود الصدور إلا بعد تخرجنا بالسلامة
واحنا الدفعة اللى قدمت مذكرة لدكتورة ليلى لما كانت رئيسة القسم نطالب فيها بحقوقنا المشروعة وبعدين اتقلبت علينا لما الخبر اتسرب للدستور
واحنا أول دفعة برضه تطرد من الكلية وتأخذ المحاضرات فى قاعات الامتحانات الغير أدمية
كملى أنت بقى يا علا، أكيد هتلاقى حاجات كتييييير

ا بـن عــمــر said...

ندعوكم لحضور حفل زفاف (ابن عمر) وذلك يوم الخميس 29/5/2008 فى قاعة الأفراح بنقابة التطبقين بشبين الكوم وذلك عقب صلاة العشاء