اليوم11 يوليو 2007
انتهت دراستي بكلية الإعلام -قسم الصحافة- جامعة القاهرة بتقدير جيدجدا
الحمد لله اتخرجت بسلام وبدأنا حياتنا العملية ..رغم أن في مننا بدأ حياته المهنية بالفعل من قبل ما نتخرج بزمن ..
المهم ربنا يوفقنا ونقدر نخدم الناس والمجتمع ونكون صحفيين على حق مش زي نصف صحفيين دلوقتي ، ونرفع اسم الصحافة فوق دايما
******السؤال للجميع ( الدعوة عامة )مش لزواري من قسم الصحافة أو كلية الإعلام ******
**بس كان عندي سوال بسيط لكل زوار مدونتي اللي بيجبروا بخاطري دايما ..سواء من دفعتنا التي تمر بتجربة التخرج لأول مرة أو ناس سبقونا في التجربة ..
س: ايه احساسكم لما خلاص بقيتم مش محسوبين إلا على أنفسكم مش طلبة ولكن مواطنين وعليكم أن تفكروا في رسم المستقبل ؟..
س: وياتري الناس اللي اتخرجت دلوقي أو من فترة رسمت لها خطة لمستقبلها ومشيت عليها ولاعملت ايه؟
واسمحوا لي هاقول رأيي بعد آرائكم لأن موضوع التخرج ده عندي مختلف
انتهت دراستي بكلية الإعلام -قسم الصحافة- جامعة القاهرة بتقدير جيدجدا
الحمد لله اتخرجت بسلام وبدأنا حياتنا العملية ..رغم أن في مننا بدأ حياته المهنية بالفعل من قبل ما نتخرج بزمن ..
المهم ربنا يوفقنا ونقدر نخدم الناس والمجتمع ونكون صحفيين على حق مش زي نصف صحفيين دلوقتي ، ونرفع اسم الصحافة فوق دايما
******السؤال للجميع ( الدعوة عامة )مش لزواري من قسم الصحافة أو كلية الإعلام ******
**بس كان عندي سوال بسيط لكل زوار مدونتي اللي بيجبروا بخاطري دايما ..سواء من دفعتنا التي تمر بتجربة التخرج لأول مرة أو ناس سبقونا في التجربة ..
س: ايه احساسكم لما خلاص بقيتم مش محسوبين إلا على أنفسكم مش طلبة ولكن مواطنين وعليكم أن تفكروا في رسم المستقبل ؟..
س: وياتري الناس اللي اتخرجت دلوقي أو من فترة رسمت لها خطة لمستقبلها ومشيت عليها ولاعملت ايه؟
واسمحوا لي هاقول رأيي بعد آرائكم لأن موضوع التخرج ده عندي مختلف
12 comments:
مبرووووووووووووووك يا لولو
أنا كمان أتخرجت معاك بتقدير جيد جدا
وأنت سألتى سؤال صعب أوى، أنا بجد حاسة بالضياع، يعنى الواحد فى الأول لما كان حد بيسأله أنت فى أيه ولا بتشتغل ايه كان بيقول بكل ثقة أنا فى إعلام القاهرة قسم صحافة ويفتح الشنطة ويطلع الكارنية بكل فخر، دلوقتى خلاص مش عارفة حأقول ايه، بجد من ساعة ما خلصت امتحانات وأنا مخنوقة ، عاوزة أشتغل صحاااااااااااااااااافة، وصباح الاستغلال، كله عاوزنا نشتغل مجانا ويقولولنا تدريب واحنا بقالنا اربع سنين بندرب جوة وبرة الكلية، والله أنا نزلت من سنة أولى يعنى من قبل التخصص كمان.. بس نقول ايه بقى
أنا لحد دلوقتى متلخبطة جدا وفى حاجااااااات كتير عاوزة أعملها ومش عارفة أبدا بى ايه ، بس هو اللى متأكدة منه إنى عاوزة أشتغل صحاااااااافة مع الحاجات التانية اللى عاوزة أعملها، يعنى الصحافة أساسى
محتاجة أركز شوية علشان أخطط صح.. ادعولى
ألف ألف مبروووووك النخرج بتفوق
ما شاء الله
طيب واللى مش خريج صحافة يرد برضة على الأسئلة ولا يتفرج من بعيد ؟
عموماً يا علا ألف مبروك
وربنا يجعل حياتك كلها نجاح فى نجاح
الأخت الكريمة
السلام عليكم ورحمة الله وبركاته
مبروك التخرج
وإن شاء الله بالجد والاجتهاد والصبر والمثابرة تصنعين أفضل مستقبل لحياتك
وأتذكر عبارة كنت قرأتها للأستاذ مصطفى أمين
رحمه الله
لابد من طرق الباب بقوة ومع الاستمرار فى الطرق بدون يأس أو استسلام لابد أن يفتح لك
مع كل أمنياتى لك بالتوفيق والنجاح
أخوك
محمد
مبروك عليكي الحياة الجديدة
وده ردي علي اسئلتك
هي حياة جديدة كل حاجة فيها مختلفة
ربنا يوفقك
سلام عليكم
انا اول مرة ادخل مدونتك واكيد مش هتبقى اخر مرة وألف مبروك على التخرج
واجابتي على السؤال هو انك بعد التخرج لا زم تدورى على نفسك يعني لازم تكوني علا يبقى ليكي قدوة ويبقى في ناس تتأثري بيهم بس تفضل شخصيتك مختلفة ومتفردة وانا خريج السنة اللى فاتت بس مش اعلام وبحاول اكون نفسي طبعا ياريت اتشرف بزيارتك لمدونتي المتواضعة ...بيدو
السلام عليكم
الف مبرووك يا علا
بيتهيألى ان الموضوع دا الواحد المفروض يفكر فيه من وهو فى سنه تالته كليه عشان ميتخرجش ويتصدم بالواقع
الواحد لازم يكون محدد لنفسه اتجاه معين وهويه عشان لما يتخرج يتصرف من المنطلق دا
وطبعا بعد التخرج بتلاقى كل اللى كنت مخططاه اتدمر وبتسيبى الاتجاه هو اللى يحددك ولكن بتظل فى ترسيبات من خبرات الحياة والتخطيط اللى كنت مخطاطاه زمان بيأثر عليك
بس طبعا مع الاستعانه بالله
واديكى مثال انا بكاليريوس اقتصاد ان شاء الله يعنى عشان نتيجتنا لسالها كام يوم
وكنت مخطط لنفسى اشتغل محلل اقتصادى بجانب محاولة الكتابه فى اى جريده
لكن الواقع فرض عليا انى اشتغل فى شركه واتاجر لحد الاتجاه ما يحددنى واحضر دراسات واشوف اى جامعه عربيه ادرس فيها
وربنا يوفقك
علااااااااااااااااااا
الف الف مبرووووك على التخرج ليكى وللدفعه الجميله كلها
وان شاء الله كلنا نحقق احلامنا
بصراحه سؤالك صعب اوى بالنسبه لى مش عارفه ليه ،
انا حكاية التخرج دى كانت تعبانى من زمان من قبل ما اتخرج بسنين ومشاعرى فيها متناقضه
كانت علطول الجسور بتتمدلى فى كل مرحله وماكنش عليه الا انى امر وبس
دلوقتى انا اللى المفروض احدد نوع الجسر واتجاهه واعمله بنفسى واعبره ...
يعنى الخلاصه حاسه انها مسؤليه كبيره وانى كبرت بدرى يعنى بحس انى الطفله العملاقه
...
عموما يا علا ربنا يوفقنا كلنا للى يسعدنا ويرضيه
والف مبروك مره تانيه لنجاحك:)
ومن نجاح لنجاح ان شاء الله
يمكن تكون اجابتى محبطة فعلا لك ولكنه فعلا شعورى
فبعد أربع سنوات تدريب على الصحافة الاقتصادية أيقنت أننا أصبحنا لاجئين نتسول كل حق لنا فى الحياة خاصة العمل
أدعوك لقراءة صفحات حزينة فى مدونتى
http://lostfedreamland.blogspot.comلتعرف احساسى لعلى أجد فى احساسك بعد ذلك كلمات تخفف عنى عناء ما أشعر به
مى
اولا مبروك
ثانيا موضوع الخطة ده يختلف حسب الكلية اللى اتخرجتى منها
انا عن نفسى مكانش عندى غير خطة واحدة لما اتخرجت بما انى كنت خريج تجارة ومفيش شغل
كانت خطتى اتكل على الله واخدم نفسك بنفسك
ماضمنش ان الخطة دى تنجح مع اى حد انما هى نجحت معايا والحمدلله بدأت بوادر النجاح تظهر اليومين دول
اخيرا بقى ليا مكتب وكمبيوتر لوحدى فى الشركة :)
جيت اطمن واوف في جديد ولا لاء
الف مبروك
Post a Comment