لا أعلم لماذا بدأت أشعر منذ تسوية التعديلات الدستورية في مطبخ الرئاسة وسلق قانون الأرهاب ..أن البلد انفجرت فيها ماسورة ضباط أمن مركزي وعمليات خاصة لدرجة أني شككت أننا مقبلون على حدث قومي هياهد الدنيا ..قلت في عقل بالي يمكن بيحضروا لاستقبال بيع سيناء(تحريرها سابقا) أو لانهم بيحضروا لفرح حد مهم في البلد , لكن الفرح طلع في شرم مش هنا ..فقلت امال في ايه؟ وقررت اطرد الهاجس وقلت لنفسي مافيش حاجة ده هسس أمني بس الهاجس تأكد من تصريح قوات الأمن المنوطة بضبط الأمن غدا في استاد القاهرة وفقا لما نشرته المصري اليوم و عدم سماحهم بدخول أزيد من 60ألف متفرج في مباراة الاهلي والبرشلونة , بحجة أن سعة الاستاد لاتستوعب اكثر من ذلك , وحملت النادي الاهلي مسؤلية طباعة 15ألف تذكرة إضافية ليصل عدد التذاكر إلي 75ألف نسخة وستقوم قوات الأمن المركزي بغلق أبواب دخول الاستاد بعد اكتمال سعته الأمنية من المتفرجين حتي لو كانوا من حملة التذاكر مما سبب خلاف حاد بين النادي الاهلي والأمن ,بس أنا أعتقد أن قوات الأمن خايفة من التجمهر..وأعتقد أنهم هتيدخلوا في كل حاجة في حياتنا بعد كده حتي في الكورة ’, وبعيدا عن أني بشجع الاهلي لسبب بسيط لاني بحس أنه الحاجة الوحيدة الباقية اللي بترفع اسم مصر لما بيكسب وده اللي يهمني..الأمن المركزي وقوات العمليات الخاصة وصلت كمان للكورة , مش بعيد نلاقيهم بعد كده عند محلات الفول المشهورة لمنع التجمهر برده ..احتياطي !!!
على فكرة الصورة نقلا عن المصري اليوم
البوست ده حاجة بمناسبة الاهلي وبرشلونة....وإن شاء محضرة لكم بوست جامد جدا يوم 25 ..استنونني ويارب يعجبكم
على فكرة الصورة نقلا عن المصري اليوم
البوست ده حاجة بمناسبة الاهلي وبرشلونة....وإن شاء محضرة لكم بوست جامد جدا يوم 25 ..استنونني ويارب يعجبكم
9 comments:
ربنا يستر، حاسس بمصيبة
في مرة في بوست ليا كنت بقول ان عربيات الامن المركزي في الشوارع بقت اكتر من العربيات ال فيات 128
ولا ايه رايك ؟
موافقك طبعا ..مش عربيات ال128 بس دي بات اكثر من عربات الكارو والفولكس فاجن ..غالبا هما ينفذواخطة عربية أمن لكل مواكن ..أصلهم بيخافوا علينا ...ههههههه
ربنا هيستر إن شاء الله , هو أنت ناوي تروح ياعمرو..إن شاء الله خير ايه يعني اللي هيحصل شوية ضرب وخناق وقد يصل الأمر إلي السباب بس مش مشكلة كله هيعدى ..ولا ايه رأيك؟؟؟
اتخنقت
يعني هما عايزن الشعب يغرق في اي حاجة تلهية
اهو كورة وهتشغله عنهم وعن اللي بيعملوه يمنعوها ليه بقي
ولا هي بقت عاده عندهم
الاهلي هو الشيء الوحيد الذي يرفع اسم الوطن
اقولك انا بقي
الاهلي هو الفريق الذي يرأسه حسن حمدي
مهندس اعلانات الاهرام واحد اكبر الحراميه اللي في البلد والصديق الشخصي لأبراهيم نافع
ومهندس سرقاته من الاهرام
الاهرام
يوظف اكبر جزء من لاعبي الاهلي في مؤسسة الاهرام اللي هيا مال عام
الاهلي يستغل مؤسسة الاهرام واصدارتها في تسويق لاعبيه وافكاره والحصول علي مصداقيه لكل قراراته
يعني زمان قالو احنا مش هنخش بطولة افريقيا
الجرايد هللت وهو ده الصح
رجعو سابو البطولة العربيه ودخلو بطولة افريقيا
نفس الجرايد ونفس الصحفيين هللوا وقالو ان ده عين الصح
اقولك
صباحك كوسة
السلام عليكم ..اولا أنا سعيدة بتعليقك رغم أني مش عرفاك ..المهم أنا الأهلي شخصيا مش يهمني في أي حاجة كنادي أو مؤسسة أولا لاني مش متعمقة في الكروة ومرسي على معلوماتك التي أضفتها لي بشأن الأهلي وساتأكد منها بالطبع
وثانيا ..انا كل الل يهمني أن مصر تاخد اي حاجة في اي حاجة بدل الخيبة السودا اللي احنا فيها , حتي لو كانت اللي هتخده انها تكسب ماتش أو ثالث عالم أو حتي كأس الامم الافريقة ...كل اللي يهمني مصر انا بعتبر أن الاهلي بيلعب باسم مصر , ولكن الزمالك مكانه وربنا ينفخ في صورته أشجعه لانه يبلعب باسم مصر ..واكيد منتخبنا العزيز الي بيشلني هاشجه لانه بيلعب باسم مصر
بس عموما اتفق معاك أن بلدنا فيها كوسة وقرع وخيار أساسا فيعني مش هتيجي على الكورة والكوسة تخلص
ايه يا علا!!
مالك مضايقة ليه من الامن.. دول عشان يحمونا..يابنتى دول مجودين لقمع الشعب ..اسفة اقصد لخدمة الشعب
وكمان ياستى ده جازاتهم انهم بيخافوا علينا وجايبين امن اكتر مننا عشان يسحلنا.اسفة اقصد عشان يخدمنا
لا لا يا علا..معكيش حق
الشعب في خدمة الوطن، والشعب والوطن في خدمة الشرطة!!
Post a Comment